«Мінскі абласны краязнаўчы музей»

Работа навукова фондавага аддзела з'яўляецца адной з асноўных відаў дзейнасці музея.

Аддзел займаецца:

• навуковай апрацоўкай музейных прадметаў;
• улікам музейных прадметаў, навукова-дапаможных і сыравінных матэрыялаў;
• захоўваннем музейных прадметаў, навукова-дапаможных і сыравінных матэрыялаў;
• каталагізацыя музейных прадметаў, навукова-дапаможных і сыравінных матэрыялаў;
• унясеннем інфармацыі аб музейных прадметах у электронны каталог;
• алічбоўкай музейных прадметаў і навукова-дапаможных матэрыялаў;
• ацэнкай кошту музейных прадметаў;
• ажыццяўляе прадастаўленне паслуг наведвальнікам па выдачы навукова-даведачнай інфармацыі.

Галоўны захавальнік фондаў

Мячкоўскі Аляксандр Пятровіч

8 (0176) 52 11 82

Экспазіцыйна-выставачная работа музея з'яўляецца яго візітнай карткай.

Аддзел займаецца:

• навуковай апрацоўкай музейных прадметаў;
• вядзеннем навукова-даследчай работы па тэмах, якія распрацоўваюцца;
• распрацоўкай навуковага праекта пастаяннай экспазіцыі музея;
• арганізацыяй часовых экспазіцый і выставак;
• падрыхтоўкай даведачнай інфармацыі па тэмах, якія вывучаюцца;
• распрацоўкай экскурсій, лекцый, музейна-педагагічных заняткаў і іншых мерапрыемстваў;
• выездам у экспедыцыі па зборы прадметаў музейнага значэння;
• правядзеннем аглядных, тэматычных экскурсій і лекцый;
• падрыхтоўкай музейных і пазамузейных мерапрыемстваў;
• падрыхтоўкай артыкулаў для канферэнцый, семінараў, навуковых і навукова-папулярных выданняў;
• выступленнем на радыё і тэлебачанні;
• аказаннем кансультацыйнай і метадычнай дапамогі па профілі сваёй дзейнасці.

Важным складнікам работы аддзела з'яўляецца навукова-асветніцкая дзейнасць. Штогод Мінскі абласны краязнаўчы музей абслугоўвае тысячы наведвальнікаў, сярод іх шмат навучэнцаў устаноў агульнай сярэдняй, прафесійна-тэхнічнай, сярэдняй спецыяльнай і вышэйшай адукацыі.

Асаблiвая ўвага надаецца рабоце з моладдзю. Укараняюцца новыя формы работы, такія як квэст (знаёмства з экспазіцыяй музея з дапамогай лагічнага ланцужка заданняў), квэст-экскурсія (сумяшчэнне двух відаў паслуг, экскурсія ў пэўны момант дапаўняецца адным з заданняў квэста, што дазваляе памяняць від у дзейнасці і пераключыць увагу), даведнік "Музейная прагулка" (самастойнае вывучэнне гісторыі роднага краю ў экспазіцыі музея). Адзін з найважнейшых напрамкаў у работы - духоўна-маральнае і патрыятычнае выхаванне моладзі.

Загадчык аддзела навукова-даследчай

і экспазіцыйна-выставачнай работы

Самовіч Іна Ілар'еўна

8 (0176) 77 79 99

Навукова-метадычная дзейнасць аддзела накіравана на падтрыманне належнай якасці работы, выкананне сучасных патрабаванняў і паспяховае развіццё музеяў Мінскай вобласці.

Аддзел займаецца:

• вядзеннем навукова-метадычнай работы з дзяржаўнымі музеямі Мінскай вобласці, прыватнымі музеямі, музеямі ўстаноў адукацыі і іншых ведамстваў вобласці;
• стварэннем банка даных на ўсе дзяржаўныя музеі Мінскай вобласці, прыватныя музеі, музеі ўстаноў адукацыі і іншых ведамстваў вобласці. Каардынуе работу па правядзенні іх поўнай пашпартызацыі па адзіным узоры;
• падрыхтоўкай справаздачнай і даведачнай інфармацыі, адказаў на запыты па напрамку дзейнасці;
• аказвае метадычную дапамогу кіраўнікам музеяў розных ведамстваў вобласці па ўсіх напрамках музейнай дзейнасці;
• прымае ўдзел у стварэнні новых музеяў (распрацоўка навуковых канцэпцый, тэматычных структур, напісанне тэматыка-экспазіцыйных планаў, мантажы экспазіцый);
• ажыццяўленнем кантролю за работай раённых музеяў, прыватных музеяў, устаноў адукацыі і іншых ведамстваў сваёй зоны па стварэнні ўмоў для захавання культурных каштоўнасцей, якія складаюць адзіны Музейны фонд Рэспублікі Беларусь;
• складаннем пашпарта і ахоўных абавязацельстваў на найбольш каштоўныя музейныя прадметы, якія захоўваюцца ў гэтых музеях;
• удзел у падрыхтоўцы і правядзенні семінараў, збораў для кіраўнікоў музеяў вобласці;
• хадайнічае аб прысваенні музеям звання "народны", перавод іх у ранг дзяржаўных;
• вывучае, аналізуе досвед работы музеяў Рэспублікі Беларусь з рознымі музеямі розных ведамстваў;
• падрыхтоўвае метадычныя рэкамендацыі для кіраўнікоў музеяў па арганізацыі экспазіцыйна-выставачнай навукова-фондавай работы;
• прымае ўдзел у рабоце канферэнцый, семінараў, рыхтуе артыкулы для навуковых і навукова-папулярных выданняў, удзельнічае ў выдавецкіх праектах музея;
• ажыццяўленнем працэдур па выдачы пісьмовых апавяшчэнняў аб тым, што заключэнне (дазвольны дакумент) на вываз культурных каштоўнасцяў не патрабуецца.

Загадчык аддзела навукова-метадычнай работы

Яхімавіч Эльвіра Алегаўна

8 (0176) 77 12 01